BitTorrent

BitTorrent

Versión inicial	2001
Tipu	protocolu de redes d'ordenadores y peer-to-peer (es)
Más información
Sitiu web	Web oficial

BitTorrent ye un protocolu diseñáu pal intercambiu d'archivos puntu a puntu (peer-to-peer) n'Internet. Ye unu de los protocolos más comunes pa la tresferencia d'archivos grandes.

El programador Bram Cohen diseñó'l protocolu n'abril de 2001 y publicó la so primer versión el 2 de xunetu de 2001.^[1] Anguaño ye propiedá de Justin Sun, fundador de Tron Foundation, que adquirió BitTorrent, Inc. por 140 millones de dólares, el 18 de xunu de 2018. Esisten numberosos veceres BitTorrent disponibles pa dellos sistemes operativos.

En xineru de 2012, BitTorrent tenía 150 millones d'usuarios activos acordies con BitTorrent, Inc., basándose nesto, envaloraben que'l númberu total d'usuarios mensuales de BitTorrent yera mayor de 250 millones. Segun datos amosaos na so propia pagina web, los datos actuales envaloren que más de 170 millones de persones usen el so productu cada mes. El protocolu bittorrent mueve hasta'l 40% del tráficu mundial d'Internet diariamente.^[2] En cualquier intre de tiempu BitTorrent tien, en permediu, más usuarios activos que YouTube y Facebook xuntos (nun intre de tiempu, non en númberu total d'usuarios únicos específicamente de BitTorrent).^[3] Per otru llau, tres el zarru de la web Megaupload, l'usu d'esti protocolu amontóse considerablemente.

1. ↑ Cohen, Bram (2 de xunetu de 2001). «BitTorrent — a new P2P app». Yahoo eGroups. Consultáu'l 15 d'abril de 2007.
2. ↑ BitTorrent and µTorrent Software Surpass 150 Million User Milestone
3. ↑ BitTorrent Has More Users Than Netflix and Hulu Combined--and Doubled